Asa ta ka Higugmaon?

Asa ta ka higugmaon?
Asa ko ikaw pangitaon?
Kung ang imong kaanyag nagsalipud man sa kangitngit.

Asa ko ikaw duawon?
Asa ko ikaw adtoon?
Kung ang imong kalipay halayo man kaayo sa dughan.

Asa ko ikaw handumon?
Asa ko ikaw damgohon?
Kung ang imong hulagway nasalipdan man sa panganod.

Asa ko ikaw paaboton?
Kung ang imong agi-anan dili man ang akong dalan.
Asa ko ikaw lantawon?
Kung ang kalimutaw naa na sa kalimot.

Asa ko ikaw higugmaon?

Unsa'y Pulos?

Unsa'y pulos sa akong pahiyum
kung ako dili lang man nimo tagdon.
Unsa'y pulos sa akong katawa
kung ikaw sa luyo nag-inusara.

Unsa'y pulos sa akong epbe post
kung dili lang man nimo i-like
Unsa'y pulos sa akong pag-follow
kung twitter account ikaw wala.

Unsa'y pulos sa akong mabulokong mga pulong
kung dili man diay ka kadungog bisan sa akong hunghong
Unsa'y pulos sa akong estorya
kung bisan sa siyagit di man nimo paminawon.

Unsa'y pulos sa akong kinabuhi
kung ikaw dili mubati
Unsa'y pulos sa akong gugma
kung dili nimo _________.

Unsa'y pulos ani...?

Olivia!

Kini niining lagkaw atong gisaw-an ang kalipayng ilabihan!

Sa matag piyong ko sa akong mata
Panagway mo ang ginasud-ong
Nganong imo man giulipon nga way sama
Kining dughan sa imo nagpataliwala

Oh gugma kalisud nimo tugkaron
Susama ka sa usa ka balon
Nga sa kalawom dili ka mahimong tugkaron
Apan sa pag abot nimo, ikaw ray gihalaran.

Bisan unsaon paglutas sa panahon
Kining pagbati wala gayo'y kalubaran
Bisan sa unsa nga katarungan
Ikaw ra gyud ang higugmaon

Nganong damgohon ko man ikaw
Damgohon sa kanunay bisag sa kadako sa adlaw
Nganong sud-ongon ko ikaw
Tungod sa way utlanan kong kamingaw

Dili pa ba igo? O igo na Inday
Gikatug-an ko na kanimo ang tanan
Nahigugma ako kanimo ug ako kanimo lang
Wala nay lain ug wala na dyud gawas kanimo lang

Hain na man ang utlanan aning tanan
Nganong nagkwintas man ko sa kasakit sa dughan
Kung sa ikong pagpahiyum ikaw akong mabuhian
Sa pagkaulipon diri sa nagguot kong dughan!

Asa na?

Asa naman si Papa?

Asa na? (Photo courtesy from rappler.com)

Asa na si Mama?

Asa na ang akong mga manay?

Asa na sila manoy?

Wala na... wala na ko'y kauban...

Asa naman sila? Wala na...wala.


Wala na ko'y kadula,

Asa na ang akong mga silingan?

Asa na man sila Pedring ug Marina?

Wala na sila...wala na...wala..


Pagka-wala nimo'y kaluoy

Imong gitugtan nga ako maminghoy

Pagka wala nimo'y kasingkasing

Imo silang gihilabtan.


Asa naman ko karon muadto?

Asa naman ko karon, Pablo?

Tungod nimo, ako wala na mahibalo

kung asa ko muadto.

Tungod nimo, sila wala na sa ako!

LOVING YOU AFAR

Hoping is not waiting but waiting is hoping!

"You are my happiness"

Words I mumble whenever I look at you

You give me your smile

That makes me complete.

Thank you, O Venus!

Words I utter when you ask my name

In your eyes, in my eyes

I can see the smiling angels.

If you only knew

Words that i whisper when you are afar

Mine love will always be just a dream

In my dreams, no one owns you but me.